संकटा क्लब हेटौंडा गोल्डकपको अन्तिम आठमा

Loading...

हेर्नुहोस भिडियो

सीएमजी संकटा क्लब काठमाडौंले हेटौंडा गोल्डकप फुटबल प्रतियोगिता-२०७३ को अन्तिम आठमा स्थान सुरक्षित बनाएको छ । सुमन भोम्जन स्मृति खेलकुद प्रतिष्ठानको आयोजनामा हेटौंडा-१० स्थित फरेष्ट्री खेल मैदानमा जारी प्रतियोगितामा भुटानको डुकस्टार फुटबल क्लबको चुनौती १-० गोलअन्तरले पन्छाउँदै संकटाले प्रतियोगितामा विजयी सुरुवात गरेको हो । संकटाले सेमिफाइनल प्रवेशका लागि बुधबार नेपाल आर्मीको सामना गर्नेछ । खेलको ८४ औं मिनेटमा संकटाका लागि अनिल गुरुङले गोल गरेका थिए । उनले डिबक्स नजिकैबाट प्रहार गरेको बल गोलमा परिणत भएको थियो । उनको यो गोलसँगै संकटा साँघुरो जीत दर्ता गराउन सफल भएको हो । गुरुङ नै खेलको एएफयु म्यान अफ दी म्याच घोषित भए ।